July 1, 2022

Himal News

Nepali News Portal

पत्रकार आजाद खडकाद्वारा उपचारका लागि सहयोग गरिदिन अपिल

दाङ । केही समयअघि धादिङको गजुरीमा दुर्घटनामा परेर गम्भीर घाईते भएका दाङका पत्रकार आजद खड्काले आफ्नो उपचारको लागि सहयोगको अपिल गरेका छन् ।

झण्डै २५ वर्षदेखि माओवादी आन्दोलनमा समर्पित हुँदै आएका ४१ वर्षीय पत्रकार खड्का समाजवादी ज्ञान केन्द्रका अध्यक्ष समेत हुुन् उनै खड्का अहिले अपचार खर्चको अभावमा छट्पटिएका छन् ।

गत भदौमा आफ्नै मोटरसाइकलमा काठमाण्डौं जाँदै गर्दा धादिङको गजुरीस्थित जोगिमारा मोडमा काठमाडौंबाट मुग्लिनतर्फ जाँदै गर्दा ग्यास बोकेको बुलेट गाडीले ठक्कर दिदा गम्भीर घाईते भएका खड्काको अन्नपूर्ण न्युरो अस्पतालमा उपचार गरिएको थियो ।

उपचारका लागि झण्डै २४ लाख खर्च गरिसकेका खड्काको अवस्था हाल सामान्य रहेपनि ब्रेकल प्लेक्स डन्जुरीका कारण उनको दायाँ हातको ‘मोटर पावर’ र ‘सेन्सुरी’ को अप्रेसन गर्नुपर्ने र त्यसका लागि भारत जानुपर्ने खड्का बताउँछन् ।

अन्यायका विरुद्ध निरन्तर आवाज उठाउँदै आएका खड्का सामान्य परिवारका हुन् । हातमा राखेको रड फुस्किएको र पुरानो रड निकालेर नयाँ रड राख्नु पर्ने अवस्था रहेका खड्काको घरबाटै आर्थिक जोहो गर्ने अवस्था नरहेपछि उनले सहयोगको अपिल गरेका हुन् ।

भारतको पानीपथ जिल्लाको हल्द्वानीको बृजलाल अस्पतालमा अप्रेसनका लागि जानुपर्ने बताएका खड्काले अप्रेसन गर्ने, खाने, बस्ने, जाने–आउने कूल खर्च सामान्य ८ लाख लाग्ने बताउँछन् । साथी भाइ र आफन्तको सहयोगमा यसअघिको उपचार गरेपनि हाल उपचार गर्नसक्ने अवस्था नभएकोले खड्काले सबैमाझ आर्थिक सहयोगको अपिल गरेका हुन् ।

खड्कालाई सहयोग गर्नका लागि दाङ तुल्सीपुरस्थित एनआइसी बैंकमा रहेको रहेको उनको खाता नम्बर 0655751118949001 रकम पठाउन सकिने छ । खड्काको ९८५१२८०१७६ र ९८४१३९६४२३ मा फोन गरेर बुझ्न सकिने बताइएको छ ।

"हिमाल न्युज डट कम "

हामी तपाईंहरु माझ सत्य,यथार्थपरक र ताजा समाचार पस्कने हेतुका साथ आएका छौं । हाम्रा सम्पूर्ण प्रकाशनहरुलाई हेरेर हामीलाई प्रतिकृया दिनुहोल । साथै तपाईंहरुको वरपर कुनै गतिबिधी भईरहेको छ जुन समाचार बन्न योग्य छ,त्यस्ता बिषयबस्तुलाई हाम्रो फेसबूक पेजमा म्यासेज गरेर अथवा हाम्रो ईमेल ठेगाना  [Email :[email protected] ] मा पठाउन सक्नुहुनेछ । जसलाई हामी हाम्रो अनलाइन पत्रीकाबाट प्रकाशन गर्नेछौ । हाम्रो युट्युव च्यानल हिमाल न्युज र हाम्रो अफिसियल फेसबूक पेजमा जोडीएर हाम्रा सामाग्रीहरुलाई हेर्न र पढ्न सक्नुहुनेछ । हामी सदैव हजुरहरुको साथमै रहने छौं ।

     
प्रतिक्रिया दिनुहोस्